ඊයේ මොනරාගල බිබිල නාගල ප්‍රදේශයේදී බස් රථ දෙකක් එකට ගැටී සිදුවූ අනතුරකින් පුද්ගලයන් 47 දෙනෙකු රෝහල්ගත කර තිබෙන බව වාර්තා වනවා.
බිඛිල පොලිස් වසමේ බිබිල අම්පාර මාර්ගයේ නාගල ප්‍රදේශයේදී බිඛිල දෙස සිට අම්පාර දෙසට ධාවනය වූ පුද්ගලික බස් රථයක එම දෙසටම ගමන් කරමින් තිබියදී ඊට පසුපසින් ධාවනය වූ ලංගම බස් රථයක් ගැටීමෙන් මෙම අනතුර සිදුවී ඇති බවයි වාර්තා වන්නේ.
බිබිල, ප්‍රදේශයේදී පෞද්ගලික ආයතනයක සේවකයන් රැගත් පෞද්ගලික බස් රථයක් සේවකයන් බැසීමට නවතා තිබූ අවස්ථාවේදී පසුපසින් පැමිණි ලංගම බස් රථයක් පෞද්ගලික බස් රථයේ ගැටීමෙන් මෙම අනතුර සිදු වී ඇති බවයි වාර්තා වන්නේ.
එම පෞද්ගලික බස් රථයේ ඇඟලුම් කර්මාන්ත ශාලාවක සේවය කරන පිරිසක් රැගෙන යමින් සිටි අතරතුර ඇති ඌ අනතුරින් බස් රථ දෙකෙහි ගමන් ගත් මගීන් 47 දෙනෙකු තුවාල ලබා ප්‍රතිකාර සඳහා බිබිල රෝහලට ඇතුළත් කර ඇති බවයි වැඩිදුරටත් ආරංචි මාර්ග සඳහන් කළේ.
